இலங்கை மின்சார சபைத் திருத்தச் சட்டத்தின் கீழ் நிறுவப்பட்ட முழுமையாக அரசுக்குச் சொந்தமான நான்கு நிறுவனங்களுக்கு ஊழியர்களை இணைக்கும் செயல்முறை ஆரம்பிக்கப்பட்டுள்ளதாக எரிசக்தி அமைச்சு தெரிவித்துள்ளது.
அதன்படி, இலங்கை மின்சார சபை ஊழியர்களில் ஒரு பகுதியினர் புதிதாக நிறுவப்படவுள்ள நிறுவனங்களில் சேர விருப்பம் தெரிவித்து கடிதங்களை சமர்ப்பித்துள்ளனர்.
இலங்கை மின்சார சபையின் தலைவர் பேராசிரியர் உதயங்க ஹேமபாலவிடம் இன்று (22) காலை இலங்கை மின்சார சபைத் தலைமையகத்தில் அவர்கள் தமது விருப்பக் கடிதங்களை சமர்ப்பித்துள்ளதாக தெரிவிக்கப்படுகிறது.
2025 ஆம் ஆண்டு 14 ஆம் இலக்க இலங்கை மின்சார சபை (திருத்தம்) சட்டத்தின் கீழ் நிறுவப்பட்ட முழுமையாக அரசுக்குச் சொந்தமான நான்கு நிறுவனங்களான தேசிய கட்டமைப்பு (தனியார்) நிறுவனம், தேசிய பரிமாற்ற வலையமைப்பு சேவைகள் வழங்கல் (தனியார்) நிறுவனம், இலங்கை மின்சார உற்பத்தி நிறுவனம் (தனியார்) நிறுவனம் மற்றும் இலங்கை மின்சார உற்பத்தி நிறுவனம் (தனியார்) நிறுவனம் ஆகியவற்றுடன் இந்த ஊழியர்கள் இணைக்கப்படுவார்கள் என்று தெரிவிக்கப்படுகிறது.
நாட்டின் வளர்ச்சி இலக்குகளுக்கு ஏற்ப மின்சாரத் துறையை மேம்படுத்துவதற்கு தேவையான கட்டமைப்பு மாற்றங்களைச் செய்து செயல்படுத்தப்பட்ட மறுசீரமைப்பு திட்டம் இலங்கை மின்சார ஊழியர்களால் பாராட்டப்பட்டுள்ளதாகவும் எரிசக்தி அமைச்சு குறிப்பிட்டுள்ளது.
