NPP வசமுள்ள கொழும்பு மாநகர சபையின் 2026-ஆம் ஆண்டுக்கான வரவு செலவுத் திட்டம் இன்று (31) நடைபெற்ற வாக்கெடுப்பில் ஆதரவாக 58 வாக்குகளும், எதிராக 56 வாக்குகளும் கிடைத்த நிலையில், இரண்டு வாக்குகள் வித்தியாசத்தில் நிறைவேற்றப்பட்டது.
இந்த வாக்கெடுப்பைத் தொடர்ந்து, இன்றைய சபை அமர்வுக்கு சமூகமளிக்காத மாநகர சபை உறுப்பினர் ஷேன் டேனியல் ராம், கட்சி ஒழுக்க விதிகளை மீறியதாகக் கூறி ஐக்கிய மக்கள் சக்தி (SJB) கட்சி உறுப்புரிமையிலிருந்து நீக்கப்பட்டுள்ளதாக அந்தக் கட்சி அதிகாரப்பூர்வமாக அறிவித்துள்ளது.
மேலும், வரவு செலவுத் திட்டம் குறைந்த வாக்கு வித்தியாசத்தில் நிறைவேற்றப்பட்டமை அரசியல் வட்டாரங்களில் பரபரப்பை ஏற்படுத்தியுள்ளது.
