தெற்கு அல்பேனியாவில் அமைந்துள்ள அட்டோமஸ் குகையின் ஆழத்தில் உலகின் மிகப்பெரிய நிலத்தடி வெப்ப ஏரி கண்டுபிடிக்கப்பட்டுள்ளது. ‘லேக் நியூரோன்’ (Lake Neuron) எனப் பெயரிடப்பட்டுள்ள இந்த ஏரியின் முழுமையான பரிமாணங்கள், நவீன 3D ஸ்கேனிங் தொழில்நுட்பத்தின் உதவியுடன் தற்போது உறுதிப்படுத்தப்பட்டுள்ளன.
இந்த ஏரி முதன்முதலில் 2021 ஆம் ஆண்டு செக் குடியரசைச் சேர்ந்த விஞ்ஞானிகள் குழுவால் கண்டறியப்பட்டிருந்தாலும், அதன் முழு அளவீடுகள் தற்போது மட்டுமே துல்லியமாக பதிவுசெய்யப்பட்டுள்ளன.
விஞ்ஞானிகள் வெளியிட்ட தகவல்களின்படி, ஏரி சுமார் 138.3 மீட்டர் நீளம், 42 மீட்டர் அகலம் மற்றும் 345 மீட்டர் சுற்றளவைக் கொண்டுள்ளது. இதன் மொத்த பரப்பளவு 34,450 சதுர அடி எனவும், ஆழம் சுமார் 25 அடி எனவும் தெரிவிக்கப்பட்டுள்ளது.
மேலும், இந்த ஏரியில் 79 டிகிரி செல்சியஸ் வெப்பநிலையைக் கொண்ட 8,335 கன மீட்டர் வெப்ப கனிம நீர் காணப்படுவதுடன், சுமார் 2.9 இலட்சம் கன அடி அளவிலான கனிம வளங்களும் அடங்கியுள்ளன.
இந்த அபூர்வமான கண்டுபிடிப்பு, பூமியின் நிலத்தடி இயற்கை அமைப்புகள் குறித்த புதிய தகவல்களை வெளிக்கொணரும் என எதிர்பார்க்கப்படும் நிலையில், ‘லேக் நியூரோன்’ உலகின் மிகச் சிறப்பான இயற்கை அதிசயங்களில் ஒன்றாக விஞ்ஞானிகளால் வர்ணிக்கப்பட்டுள்ளது.
