வியட்நாமின் குறைந்த கட்டண விமான நிறுவனமான வியட்ஜெட் ஏர், வியட்நாம் மற்றும் இலங்கைக்கு இடையே நேரடி விமான சேவையை ஆரம்பித்துள்ளது.
இதன் முதலாவது விமானமான VJ-1875, ஹோ சி மின் நகரிலிருந்து 169 பயணிகளுடன் நேற்று (18) இரவு 9.33 மணியளவில் கட்டுநாயக்க பண்டாரநாயக்க சர்வதேச விமான நிலையத்தை வந்தடைந்தது.
Airbus A320 ரக விமானம் மூலம் இந்த சேவை முன்னெடுக்கப்படுவதுடன், வாரத்திற்கு மூன்று இருவழி விமான சேவைகள் இயக்கப்படவுள்ளன.
இந்த நேரடி விமான சேவை மூலம் வியட்நாம் மற்றும் இலங்கைக்கு இடையிலான பயண நேரம் குறைவதுடன், சுற்றுலா, வர்த்தகம் மற்றும் முதலீட்டு நடவடிக்கைகளும் மேலும் வளர்ச்சியடையும் என எதிர்பார்க்கப்படுகிறது.
மேலும், ஹோ சி மின் நகரம் வழியாக தென்கிழக்கு ஆசியா, அவுஸ்திரேலியா, சீனா, ஜப்பான் மற்றும் தென் கொரியா உள்ளிட்ட நாடுகளுக்குப் பயணிக்க இலங்கை பயணிகளுக்கு புதிய இணைப்பு கிடைத்துள்ளது.
அதேபோல், இலங்கைக்கு வரும் வியட்நாமிய சுற்றுலாப் பயணிகள் மற்றும் தொழில்முனைவோருக்கும் இந்த நேரடி விமான சேவை பயணத்தை மேலும் எளிதாக்கும் என தெரிவிக்கப்பட்டுள்ளது.
