கிரிந்திவெல பகுதியில் ஓய்வுபெற்ற இராணுவச் சிப்பாய் ஒருவர் கடத்திச் செல்லப்பட்டுக் கொலை செய்யப்பட்ட சம்பவம் தொடர்பாக, எட்டு ஆண்டுகளுக்குப் பின்னர் திடீர் திருப்பம் – உயிரிழந்தவரின் சொந்த மனைவியையே குற்றப் புலனாய்வுத் திணைக்களம் (CID) கைது செய்துள்ளது.
2018.09.09 அன்று இடம்பெற்ற இந்தக் கொடூரமான குற்றம் தொடர்பில், குற்றப் புலனாய்வுத் திணைக்களத்தின் மனிதக்கொலை மற்றும் ஒழுங்கமைக்கப்பட்ட குற்றப் புலனாய்வுப் பிரிவு விசாரணைகளை ஆரம்பித்திருந்தது. நீண்ட காலமாக இக்குற்றத்திற்குப் பின்னணியில் இருந்தவர்கள் யார் என்பது குறித்த மர்மம் தொடர்ந்தது.
இந்நிலையில், இக்குற்றத்திற்கு உடந்தையாக இருந்ததாகவும், சதித்திட்டம் தீட்டியதாகவும் சந்தேகிக்கப்பட்டு நீண்ட காலமாகத் தேடப்பட்டு வந்த நபரான கொல்லப்பட்ட சிப்பாயின் மனைவியை, புலனாய்வு அதிகாரிகளுக்குக் கிடைத்த முக்கிய தகவலின் அடிப்படையில் நேற்று (07) மதியம் கிரிந்திவெல, நாரங்கஸ்பிட்டிய பகுதியில் வைத்து கைது செய்துள்ளனர்.
கைது செய்யப்பட்டவர் நாரங்கஸ்பிட்டிய, கிரிந்திவெல பகுதியைச் சேர்ந்த 49 வயதுடைய பெண் ஆவார். இச்சம்பவம் தொடர்பில் குற்றப் புலனாய்வுத் திணைக்களத்தினர் மேலதிக விசாரணைகளை தீவிரப்படுத்தியுள்ளனர்.
