இறக்குமதி நடவடிக்கைகள் எதுவும் மேற்கொள்ளாமல், இலங்கையில் உள்ள ஆறு நிறுவனங்களிலிருந்து சுமார் ரூ.750 கோடி (2.5 கோடி அமெரிக்க டொலர்) பணம் வெளிநாடுகளுக்கு அனுப்பப்பட்டதாகக் கூறப்படும் சம்பவம் தொடர்பில் 25 வயதுடைய நபர் ஒருவர் கைது செய்யப்பட்டுள்ளார்.
வெல்லம்பிட்டி பகுதியைச் சேர்ந்த குறித்த நபர், 2024 ஜனவரி முதல் 2025 ஜூலை வரையான காலப்பகுதியில் இந்தப் பணப் பரிமாற்றங்களை மேற்கொண்டதாக பொலிஸார் தெரிவித்துள்ளனர்.
எவ்வித பொருட்களையும் இறக்குமதி செய்யாமல், வணிக வங்கிகள் ஊடாக தந்திப் பணப்பரிமாற்றம் (Telegraphic Transfer – TT) முறையில் பெருமளவிலான பணம் வெளிநாடுகளுக்கு அனுப்பப்பட்டுள்ளதாக ஆரம்பகட்ட விசாரணைகளில் தெரியவந்துள்ளது.
சம்பவம் தொடர்பான மேலதிக விசாரணைகளை நிதிக் குற்றப் புலனாய்வுப் பிரிவு (FCID) முன்னெடுத்து வருவதுடன், கைது செய்யப்பட்ட சந்தேகநபர் தொடர்பில் சட்ட நடவடிக்கைகள் மேற்கொள்ளப்பட்டு வருகின்றன.
