இலஞ்ச ஊழல் ஆணைக்குழுவினால் கைது செய்யப்பட்டு நீதிமன்றத்தில் ஆஜர்படுத்தப்பட்ட முன்னாள் ஜனாதிபதியின் மனைவி ஷிரந்தி ராஜபக்ஷ சார்பில் ஆஜரான ஜனாதிபதி சட்டத்தரணி அனில் சில்வா, அவரது மோசமான உடல்நிலை குறித்த மருத்துவக் காரணங்களை நீதிமன்றத்தில் சமர்ப்பித்தார்.
நீதிமன்றத்தில் வாதாடிய சட்டத்தரணி அனில் சில்வா தெரிவித்ததாவது,
- 73 வயதான எனது சேவைக்குரியவர் (ஷிரந்தி ராஜபக்ஷ) 2019 ஆம் ஆண்டு முதல் தீவிர இதய நோய்க்கான சிகிச்சைகளைப் பெற்று வருகிறார்.
- இத்தகைய இதய நோயாளியைச் சிறையில் அடைத்தால், அவருக்கு ஏற்படும் மனஅழுத்தத்தினால் உயிரிழக்கும் ஆபத்து உள்ளது.
- அவருக்கு திடீர் மாரடைப்பு (Heart Attack) ஏற்படுவதற்கான சாத்தியக்கூறுகள் மற்றும் அபாயங்கள் அதிகம் உள்ளன.
- அவரது இதயத் தமனிகளில் கொலஸ்ட்ரால் படிந்து அடைப்புகள் ஏற்பட்டுள்ளன.
- 2021 ஆம் ஆண்டு அவருக்கு மூளை ஸ்கேன் (Brain Scan) பரிசோதனை செய்யப்பட்டுள்ளது.
- திடீரென தலைச்சுற்றல் ஏற்பட்டு, மயங்கி விழும் நிலை காணப்படுகிறது (இது எப்போது நிகழும் என்று கூற முடியாது).
- அவரது முதுகெலும்புத் தொடரிலும் கடுமையான பாதிப்புகள் மற்றும் கோளாறுகள் உள்ளன.
- அத்துடன் நரம்பு வீக்கம் (Varicose) தொடர்பான பாதிப்பும் அவருக்கு காணப்படுகிறது.
இவ்வாறான தீவிர மருத்துவக் காரணங்களைக் கருத்திற் கொண்டு அவருக்குப் பிணை வழங்குமாறு ஜனாதிபதி சட்டத்தரணி கோரியபோதிலும், கொழும்பு பிரதம நீதவான் அந்த பிணை விண்ணப்பத்தை நிராகரித்து, அவரை எதிர்வரும் அக்டோபர் 13 ஆம் திகதி வரை விளக்கமறியலில் வைக்குமாறு உத்தரவிட்டார்
