எதிர்வரும் நவம்பர் முதலாம் திகதி முதல் வங்கி மற்றும் நிதி நிறுவனங்கள் ஊடாக மேற்கொள்ளப்படும் குறிப்பிட்ட நிதிப் பரிவர்த்தனைகளுக்கு வரி செலுத்துவோர் அடையாள இலக்க (TIN) சான்றிதழைச் சமர்ப்பிப்பது கட்டாயமாக்கப்பட்டுள்ளதாக உள்நாட்டு இறைவரித் திணைக்களம் அறிவித்துள்ளது.
இதன்படி, வங்கிக் கணக்குகளைப் புதிதாக ஆரம்பித்தல் உள்ளிட்ட பல்வேறு நிதிச் சேவைகளைப் பெற்றுக்கொள்ளும்போது குறித்த சான்றிதழைச் சமர்ப்பிக்க வேண்டியிருக்கும்.
அத்துடன், நிதி நிறுவனங்கள் ஊடாக முன்னெடுக்கப்படும் குறிப்பிட்ட கொடுக்கல் வாங்கல்கள் மற்றும் ஏனைய நிதி நடவடிக்கைகளுக்கும் இந்த நடைமுறை பொருந்தும் என அறிவிக்கப்பட்டுள்ளது.
இந்தப் புதிய நடைமுறை எதிர்வரும் முதலாம் திகதி முதல் அமுலுக்கு வரவுள்ளதாக உள்நாட்டு இறைவரித் திணைக்களம் மேலும் தெரிவித்துள்ளது.
