மஹிந்தவை “கிழட்டு மைனா” என விமர்சித்த இளைஞர்கள் இன்று தமது தவறை உணர்ந்துள்ளனர்;சாந்த பண்டார!

முன்னாள் ஜனாதிபதி மஹிந்த ராஜபக்ஷவை “கிழட்டு மைனா” என விமர்சித்த இளைஞர்கள், இன்று தாம் தவறிழைத்துவிட்டதாக உணர்ந்துள்ளதாக ஸ்ரீலங்கா பொதுஜன பெரமுனவின் உறுப்பினரும் முன்னாள் இராஜாங்க அமைச்சருமான சாந்த பண்டார தெரிவித்துள்ளார்.

மஹிந்த ராஜபக்ஷ வயோதிப நிலையை அடைந்துவிட்டார் என்பது உண்மை என்றாலும், நாட்டுக்காக அவர் ஆற்றிய சேவைகள் வயோதிபம் அடையவில்லை என அவர் குறிப்பிட்டுள்ளார்.

2000ஆம் ஆண்டுக்குப் பின்னர் பிறந்த சில இளைஞர்கள் மஹிந்த ராஜபக்ஷவை இழிவுபடுத்தும் வகையில் விமர்சித்ததாகவும், அவ்வாறு விமர்சித்தவர்கள் தற்போது தமது தவறை உணர்ந்துள்ளதாகவும், அது தொடர்பில் தம்மிடம் பேசுவதாகவும் சாந்த பண்டார தெரிவித்துள்ளார்.