ஹிக்கடுவை, நாரிகம கடற்கரையில் நீராடச் சென்ற 71 வயதுடைய ஜேர்மன் நாட்டுப் பிரஜையொருவர் கடல் அலையில் சிக்கி நீரில் மூழ்கி உயிரிழந்துள்ளார்.
கடந்த 15ஆம் திகதி மாலை இந்தச் சம்பவம் இடம்பெற்றுள்ளதாக பொலிஸார் தெரிவித்துள்ளனர்.
கடல் நீரோட்டத்தில் சிக்கி அடித்துச் செல்லப்பட்ட குறித்த நபரை, அப்பகுதி மக்கள் மீட்டுக் கரைக்குக் கொண்டுவந்துள்ளனர்.
பின்னர் அவர் உடனடியாக பலப்பிட்டிய வைத்தியசாலையில் அனுமதிக்கப்பட்டு சிகிச்சை அளிக்கப்பட்ட போதிலும், சிகிச்சை பலனின்றி உயிரிழந்துள்ளார்.
உயிரிழந்தவர் 71 வயதுடைய ஜேர்மன் பிரஜை என அடையாளம் காணப்பட்டுள்ளார்.
அவரது சடலம் பிரேத பரிசோதனைக்காக பலப்பிட்டிய வைத்தியசாலையின் பிரேத அறையில் வைக்கப்பட்டுள்ளது.
சம்பவம் தொடர்பான மேலதிக விசாரணைகளை ஹிக்கடுவை பொலிஸார் முன்னெடுத்து வருகின்றனர்.







