இந்தியப் பெருங்கடல் பகுதியில் சக்திவாய்ந்த நிலநடுக்கமொன்று இன்று (17) அதிகாலை பதிவாகியுள்ளதாக தெரிவிக்கப்பட்டுள்ளது.
ரிக்டர் அளவுகோலில் 6.6 மெக்னிடியூட்டாகப் பதிவான இந்த நிலநடுக்கம், அதிகாலை 2.41 மணியளவில் ஏற்பட்டுள்ளது.
இந்தோனேசியாவின் பெண்டா கடற்பரப்பில், கடல் மட்டத்திலிருந்து சுமார் 20 கிலோமீற்றர் ஆழத்தில் இந்த நிலநடுக்கம் பதிவாகியுள்ளது.
இந்த நிலநடுக்கத்தினால் ஏற்பட்ட உயிரிழப்புகள் அல்லது சொத்துச் சேதங்கள் தொடர்பான உத்தியோகபூர்வ தகவல்கள் இதுவரை வெளியாகவில்லை.
எவ்வாறாயினும், இந்த நிலநடுக்கத்தைத் தொடர்ந்து இலங்கைக்கு சுனாமி அனர்த்தம் ஏற்படுவதற்கான எந்தவொரு அபாயமும் இல்லை என வளிமண்டலவியல் திணைக்களம் அறிவித்துள்ளது.







