போதைப்பொருள் கடத்தல் மற்றும் ஒழுங்கமைக்கப்பட்ட குற்றச்செயல்களுடன் தொடர்புடையவர் எனக் கூறப்படும் ரொட்டும்ப அமில என்பவரை ரஷ்யாவிலிருந்து இன்று இலங்கைக்கு அழைத்து வருவதற்கான நடவடிக்கைகள் முன்னெடுக்கப்பட்டுள்ளதாக பொலிஸ் தகவல்கள் தெரிவிக்கின்றன.
குறித்த சந்தேகநபர் கடந்த 2025ஆம் ஆண்டு ரஷ்யப் பொலிஸாரால் கைது செய்யப்பட்டிருந்தார்.
தென் மாகாணத்தை மையமாகக் கொண்டு இடம்பெற்ற பல்வேறு கொலைச் சம்பவங்கள், கப்பம் பெறுதல் மற்றும் பாரியளவிலான போதைப்பொருள் கடத்தல் உள்ளிட்ட குற்றச்செயல்களுடன் இவர் தொடர்புடையவர் எனக் குற்றம் சுமத்தப்பட்டுள்ளது.
இந்நிலையில், பல்வேறு குற்றச்செயல்கள் தொடர்பில் இலங்கைப் பொலிஸாரால் தேடப்பட்டு வந்த சந்தேகநபராகவும் இவர் அடையாளம் காணப்பட்டுள்ளார்.
ரஷ்யாவில் கைது செய்யப்பட்டதைத் தொடர்ந்து, அவரை இலங்கைக்கு அழைத்து வருவதற்கான நடவடிக்கைகள் முன்னெடுக்கப்பட்டு வந்த நிலையில், இன்று நாட்டுக்கு அழைத்து வர ஏற்பாடுகள் செய்யப்பட்டுள்ளதாக பொலிஸ் தகவல்கள் தெரிவிக்கின்றன.
சந்தேகநபர் இலங்கைக்கு அழைத்து வரப்பட்டதன் பின்னர், அவர் தொடர்பான குற்றச்சாட்டுகள் குறித்து மேலதிக சட்ட நடவடிக்கைகள் முன்னெடுக்கப்படவுள்ளதாக எதிர்பார்க்கப்படுகிறது.







