இலங்கையிலுள்ள அனைத்து முன்பள்ளிகளிலும் 2027ஆம் ஆண்டு முதல் பொதுவான ஒரே பாடத்திட்டத்தை அறிமுகப்படுத்துவதற்குத் திட்டமிடப்பட்டுள்ளதாக மகளிர் மற்றும் சிறுவர் விவகார பிரதி அமைச்சர் வைத்தியர் நாமல் சுதர்ஷன தெரிவித்துள்ளார்.
இந்தத் திட்டம் மகளிர் மற்றும் சிறுவர் விவகார அமைச்சு, கல்வி அமைச்சு மற்றும் மாகாண சபைகள் இணைந்து முன்னெடுக்கப்படவுள்ளது.
இதற்கான ஆரம்பகட்டப் பயிற்சி நிகழ்ச்சிகள் ஏற்கனவே ஆரம்பிக்கப்பட்டுள்ளதாகவும் அவர் குறிப்பிட்டுள்ளார்.
இதன் மூலம் இலங்கையின் ஆரம்பகால சிறுவர் பராமரிப்பு மற்றும் முன்பள்ளிக் கல்வித் துறையில் சீர்திருத்தங்களை ஏற்படுத்துவதுடன், அனைத்து முன்பள்ளி மாணவர்களுக்கும் ஒரே தரத்திலான கல்வி வாய்ப்புகளை வழங்குவதும் நோக்கமாகக் கொள்ளப்பட்டுள்ளது.
மேலும், சிறுவர் நலன் மற்றும் கல்விச் சீர்திருத்தங்களை முன்னெடுப்பதற்காக 2027ஆம் ஆண்டுக்கான வரவு – செலவுத் திட்டத்திலும் நிதி ஒதுக்கீடுகள் செய்யப்பட்டுள்ளன.







