கடந்த வாரத்துடன் ஒப்பிடுகையில், இலங்கையின் சந்தைகளில் உள்நாட்டு சின்ன வெங்காயம் மற்றும் முட்டையின் விலைகள் அதிகரித்துள்ளதாக மத்திய வங்கியின் வாராந்த பொருளாதாரக் குறிகாட்டி அறிக்கை தெரிவிக்கிறது.
இதன்படி, புறக்கோட்டை சந்தையில் ஒரு கிலோகிராம் உள்நாட்டு சின்ன வெங்காயத்தின் விலை 527 ரூபாய் 60 சதத்திலிருந்து 675 ரூபாயாக அதிகரித்துள்ளது. இது 27.9 சதவீத உயர்வாகும்.
அதேபோன்று, வெள்ளை முட்டையொன்றின் விலை 37 ரூபாய் 68 சதத்திலிருந்து 41 ரூபாய் 75 சதமாக உயர்ந்துள்ளது.
நாரஹேன்பிட்ட பொருளாதார மத்திய நிலையத்திலும் சின்ன வெங்காயத்தின் விலை 700 ரூபாயிலிருந்து 820 ரூபாயாகவும், வெள்ளை முட்டையொன்றின் விலை 39 ரூபாய் 60 சதத்திலிருந்து 42 ரூபாயாகவும் அதிகரித்துள்ளன.
இதேவேளை, புறக்கோட்டை சந்தையில் ஒரு கிலோகிராம் போஞ்சியின் விலை 580 ரூபாயிலிருந்து 560 ரூபாயாகவும், கோவாவின் விலை 720 ரூபாயிலிருந்து 700 ரூபாயாகவும் வீழ்ச்சியடைந்துள்ளதாக மத்திய வங்கி தெரிவித்துள்ளது.







