கிரிக்கெட் வீரரான அஸ்வின் ஐ.பி.எல்லிலிருந்து ஓய்வு பெறுவதாக அறிவித்தார்

இந்திய ஆல்ரவுண்டர் ஆர்.அஸ்வின், இந்தியன் பிரீமியர் லீக்கிலிருந்து ஓய்வு பெறுவதாக அறிவித்துள்ளார்.

தனது உத்தியோகபூர்வ சமூக ஊடகப் பதிவின் மூலம் அவர் இந்த அறிவிப்பை வெளியிட்டுள்ளார். அவர் வெளியிட்ட பதிவில் உள்ளதாவது,

“சிறப்பான நாள், எனவே ஒரு சிறப்பு தொடக்கம். ஒவ்வொரு முடிவும் ஒரு புதிய தொடக்கத்தைக் கொண்டிருக்கும். ஒரு ஐபிஎல் கிரிக்கெட் வீரராக எனது நேரம் இன்று முடிவடைகிறது. ஆனால் பல்வேறு லீக்குகளைச் சுற்றி விளையாட்டை ஆராய்பவராக எனது நேரம் இன்று தொடங்குகிறது.

“பல ஆண்டுகளாக அனைத்து அற்புதமான நினைவுகள் மற்றும் உறவுகளுக்காகவும், மிக முக்கியமாக @IPL மற்றும் @BCCI இதுவரை எனக்கு வழங்கியதற்காகவும் அனைத்து உரிமையாளர்களுக்கும் நன்றி தெரிவிக்க விரும்புகிறேன். எனக்கு முன்னால் இருப்பதை அனுபவித்து, அதிகம் பயன்படுத்த ஆவலுடன் காத்திருக்கிறேன்” என்று அஸ்வின் உருக்கமாகப் பதிவிட்டுள்ளார்.

கடந்த 2009 ஆம் ஆண்டு சென்னை சூப்பர் கிங்ஸ் அணிக்காக அறிமுகமான அஸ்வின், ஐபிஎல்லில் 221 போட்டிகளில் விளையாடி, தனது ஆஃப்-ஸ்பின் மூலம் 7.20 என்ற அற்புதமான எகானமியுடன் 187 விக்கெட்டுகளை வீழ்த்தினார்.

பேட்டிங்கிலும் அஷ்வின் ஒரு சிறந்த பங்களிப்பாளராக இருந்தார். ஒரு அரைசதம் உட்பட 833 ரன்கள் எடுத்தார்.

38 வயதான அவர் ஐபிஎல்லில் ஐந்து அணிகளை பிரதிநிதித்துவப்படுத்தினார் – சிஎஸ்கே, ரைசிங் புனே சூப்பர் ஜெயண்ட், பஞ்சாப் கிங்ஸ், டெல்லி கேபிடல்ஸ் மற்றும் ராஜஸ்தான் ராயல்ஸ்.

2010 மற்றும் 2011 ஆம் ஆண்டுகளில் சிஎஸ்கேவின் ஐபிஎல் பட்ட வெற்றிகளில் அஸ்வின் ஒரு ஒருங்கிணைந்த பகுதியாக இருந்தார்.

2025 சீசனில் சிஎஸ்கே அணிக்காக அஸ்வின் விளையாடிடிருந்தார். அஸ்வினின் ஓய்வு அறிவிப்பு இரசிகர்கள் மத்தியில் சோகத்தை ஏற்படுத்தியுள்ளது.