சர்வதேச சந்தையில் மசகு எண்ணெய் விலையில் உயர்வு

சர்வதேச சந்தையில் மசகு எண்ணெய் விலை மீண்டும் உயர்வை பதிவு செய்துள்ளது.

மத்திய கிழக்கில் நிலவும் பதற்றமான சூழல் மற்றும் உலகளாவிய விநியோகக் கவலைகள் காரணமாக இந்த விலை உயர்வு ஏற்பட்டுள்ளதாக சர்வதேச ஊடகங்கள் தெரிவிக்கின்றன.

இதன்படி, WTI ரக மசகு எண்ணெய் பீப்பாய் ஒன்றின் விலை 74.25 அமெரிக்க டொலராக உயர்ந்துள்ளது. இது முந்தைய விலையுடன் ஒப்பிடுகையில் 2 சதவீதத்திற்கும் அதிகமான உயர்வாகும்.

அதேவேளை, பிரண்ட் ரக மசகு எண்ணெய் பீப்பாய் ஒன்றின் விலை 78.99 அமெரிக்க டொலராக பதிவாகியுள்ளது. இது சுமார் 3 சதவீத உயர்வை காட்டுகிறது.

மேலும், மேர்பன் ரக மசகு எண்ணெய் பீப்பாய் ஒன்றின் விலையும் 73.25 அமெரிக்க டொலராக உயர்ந்துள்ளதாக சர்வதேச சந்தைத் தகவல்கள் தெரிவிக்கின்றன.