மட்டக்களப்பு பிரதேசத்தைச் சேர்ந்த தனது சொந்த மகளை சிறுமியாக இருந்த காலத்தில் பாலியல் துஷ்பிரயோகம் செய்த தந்தைக்கு, இரண்டு வழக்குகளில் தலா 15 வருடங்கள் கடூழிய சிறைத்தண்டனை விதிக்கப்பட்டுள்ளது.
மட்டக்களப்பு மேல் நீதிமன்ற நீதிபதி ரி.ஜே. பிரபாகரன் கடந்த 11ஆம் திகதி வெள்ளிக்கிழமை இந்தத் தீர்ப்பை வழங்கினார்.
46 வயதுடைய பூபாலப்பிள்ளை மாணிக்கம் என்பவருக்கு எதிராக 2013 மற்றும் 2016ஆம் ஆண்டுகளில் சிறுமியை பாலியல் துஷ்பிரயோகம் செய்ததாக தனித்தனியாக வழக்குகள் தொடரப்பட்டிருந்தன.
2013ஆம் ஆண்டு சம்பவம் தொடர்பான வழக்கில் இரண்டு குற்றச்சாட்டுகளில் ஒன்றிலிருந்து விடுவிக்கப்பட்ட நிலையில்,
2016ஆம் ஆண்டு சம்பவம் தொடர்பான இரண்டாவது வழக்கில் 15 வருட கடூழிய சிறைத்தண்டனையும் 5,000 ரூபா அபராதமும், பாதிக்கப்பட்ட சிறுமிக்கு 25,000 ரூபா நஷ்டஈடும் வழங்குமாறு நீதிபதி உத்தரவிட்டார்.
இரு வழக்குகளிலும் சிறைத்தண்டனைகள் சமகாலத்தில் அனுபவிக்குமாறு நீதிபதி தீர்ப்பளித்துள்ளார்.
