தியாக தீபம் திலீபனின் சிலையை உடைக்க முடியும் என்றாலும், ஈழத் தமிழர்களின் இதயங்களில் அவர் பிடித்துள்ள இடத்தை ஒருபோதும் அழிக்க முடியாது என தென்னிந்திய திரைப்பட இயக்குநரும் நடிகருமான டி.ராஜேந்தர் தெரிவித்துள்ளார்.
யாழ்ப்பாணத்தில் தியாக தீபம் திலீபனின் திருவுருவச் சிலையை பொலிஸார் அகற்றியமை தொடர்பில் கருத்துத் தெரிவிக்கும்போதே அவர் இதனைத் தெரிவித்துள்ளார்.
இது தொடர்பில் அவர் மேலும் தெரிவிக்கையில், தியாக தீபம் திலீபன் முன்வைத்த ஐந்து அம்சக் கோரிக்கைகள் தமிழ் மக்கள் வாழும் வரை காலாகாலத்திற்கும் நிலைத்திருக்கும் எனக் குறிப்பிட்டுள்ளார்.
சிலையை உடைக்க முடியும் என்றாலும், தமிழர்களின் களங்கமற்ற இதயங்களில் திலீபன் பிடித்துள்ள இடத்தைச் சிதைக்கவோ, அழிக்கவோ அல்லது அகற்றவோ முடியாது என அவர் தெரிவித்துள்ளார்.
மேலும், தமிழர்களின் உணர்வுகளைப் பாதிக்கும் இத்தகைய சம்பவங்களால் உலகெங்கும் வாழும் தமிழர்கள் இன்றும் கொதித்தெழுந்து தங்களது எதிர்ப்புகளையும் கருத்துகளையும் வெளிப்படுத்தி வருவதாகவும் அவர் குறிப்பிட்டுள்ளார்.
அவ்வாறு தங்களது எதிர்ப்பைக் குரலாகப் பதிவு செய்து வரும் தமிழர்களில் தானும் ஒருவர் என டி.ராஜேந்தர் தெரிவித்துள்ளார்.
