திலீபன் சிலை அகற்றம்; அரசுக்கு நன்றி தெரிவித்த அருண் சித்தார்த்!

யாழ்ப்பாணம் நல்லூரில் தியாகதீபம் திலீபனின் சிலை பொலிஸாரால் அகற்றப்பட்டதைத் தொடர்ந்து, தமிழ் மக்கள் சார்பில் அரசாங்கத்திற்கு நன்றி தெரிவிப்பதாக அருண் சித்தார்த் தெரிவித்துள்ளார்.

நல்லூரில் மாநகர சபைக்குச் சொந்தமான காணியில் அனுமதியின்றி அமைக்கப்பட்டதாகக் கூறப்படும் திலீபனின் சிலை, இன்று (27) காலை 6 மணியளவில் பொலிஸாரால் அகற்றப்பட்டது.

இது தொடர்பாகக் கிடைத்த முறைப்பாட்டின் அடிப்படையில் நடவடிக்கை எடுக்கப்பட்டதாகக் காவல்துறை ஊடகப் பேச்சாளர் எஃப்.யூ. வூட்லர் தெரிவித்துள்ளார்.

தடைசெய்யப்பட்ட அமைப்பின் உறுப்பினரை நினைவுகூரும் வகையில் ‘எல்லான் படை’ என்ற குழு செயற்படுவதாகக் கிடைத்த முறைப்பாட்டின் அடிப்படையில், இனங்களுக்கிடையிலான நல்லிணக்கத்தைப் பாதுகாக்கும் நோக்கில் சிலை அகற்றப்பட்டதாக தெரிவிக்கப்படுகிறது.

இந்த விவகாரம் தொடர்பான வழக்கின் அடுத்த விசாரணை எதிர்வரும் ஒக்டோபர் 2ஆம் திகதி யாழ்ப்பாணம் நீதவான் நீதிமன்றத்தில் நடைபெறவுள்ளது.