மட்டக்களப்பு – திருகோணமலை பிரதான வீதியில் தாண்டவன்வெளி தேவாலயத்திற்கு அருகில் பெண்ணொருவரின் சடலம் நேற்று (27) காலை மீட்கப்பட்டுள்ளது.
மட்டக்களப்பு, திருப்பெருந்துறை பகுதியைச் சேர்ந்த 67 வயதுடைய இராசையா பாக்கியம் என்பவரே இவ்வாறு சடலமாக மீட்கப்பட்டுள்ளதாக தெரிவிக்கப்பட்டுள்ளது.
குறித்த பெண் அப்பகுதியில் யாசகம் பெற்று வாழ்ந்து வந்ததாக ஆரம்பகட்ட தகவல்கள் தெரிவிக்கின்றன.
சடலம் மீட்கப்பட்டமைக்கான காரணம் தொடர்பில் இதுவரை உறுதியான தகவல்கள் வெளியாகாத நிலையில், சம்பவம் குறித்து மட்டக்களப்பு பொலிஸார் மேலதிக விசாரணைகளை முன்னெடுத்து வருகின்றனர்.
