மட்டக்களப்பைச் சேர்ந்த இளம் கலைஞர்களின் கூட்டு முயற்சியில் உருவாக்கப்பட்டுள்ள ‘இருமுகம்’ திரைப்படத்தின் சிறப்பு காட்சி நேற்று முன்தினம் (17) மாலை தாழங்குடா PCA திரையரங்கில் திரையிடப்பட்டது.
இந்த திரைப்படத்தில் நடித்த நடிகர், நடிகை, இயக்குநர், இசையமைப்பாளர், ஒளிப்பதிவாளர் உள்ளிட்ட படக்குழுவினரும், திரைப்படத்தின் உருவாக்கத்தில் பங்களித்த உதவியாளர்களும் சிறப்பு காட்சியில் கலந்துகொண்டனர்.
திரைப்படத்தை பார்வையிட்ட பார்வையாளர்கள், ‘இருமுகம்’ திரைப்படம் திறமையான முறையில் உருவாக்கப்பட்டுள்ளதாகவும், அதன் காட்சியமைப்பு மற்றும் படைப்பாக்கம் இந்திய சினிமாவுக்கு நிகராக அமைந்துள்ளதாகவும் பாராட்டு தெரிவித்தனர்.
மட்டக்களப்பு இளம் கலைஞர்களின் திறமையை வெளிப்படுத்தும் வகையில் உருவாக்கப்பட்டுள்ள இந்த திரைப்படம், உள்ளூர் திரைத்துறையின் வளர்ச்சிக்கு மேலும் வலுசேர்க்கும் புதிய முயற்சியாக அமைந்துள்ளதாகவும் பார்வையாளர்கள் தெரிவித்தனர்.
