கோடிக்கணக்கான ரூபாய் பண மோசடி குற்றச்சாட்டுகளுக்கு உள்ளாகியுள்ள த்ரிகோ குழுமத்தின் (Thriko Group) உரிமையாளரான திலினி பிரியமாலியைக் கைது செய்து நீதிமன்றத்தில் முன்னிலைப்படுத்துமாறு கொழும்பு கோட்டை நீதவான் பசந்த அமரசேன இன்று உத்தரவிட்டுள்ளார்.
சந்தேகநபருக்காக ஆஜரான இரு பிணையாளர்களும், அவரது வேறு ஒரு வழக்கிற்காக பிணை நின்றவர்கள் என்பதும் இந்த வழக்குக்கு அவர்கள் பிணை நிற்கவில்லை என்பதும் கண்டறியப்பட்டதையடுத்து இந்த பிடியாணை பிறப்பிக்கப்பட்டது.
திலினி பிரியமாலி உள்ளிட்ட 6 பேருக்கு எதிரான நிதி மோசடி வழக்குகள் இன்று விசாரணைக்கு எடுத்துக்கொள்ளப்பட்ட போது மேலும் சில சந்தேகநபர்கள் ஆஜராகவில்லை. இதில் தொடர்பான மற்றொரு சந்தேகநபரான ஜானகி சிறிவர்தன வேறு வழக்கிற்காக விளக்கமறியலில் உள்ளதாக அவரது சட்டத்தரணி தெரிவித்தார்.
இதேவேளை, இவ்வழக்கில் பிணையில் உள்ள பொரள்ளை சிறிசுமன தேரர் நீதிமன்றத்தில் ஆஜராகி வெளிநாடு செல்ல அனுமதி பெற்ற நிலையில், வழக்கின் அடுத்தகட்ட விசாரணை எதிர்வரும் மார்ச் 31ஆம் திகதிக்கு ஒத்திவைக்கப்பட்டுள்ளது.
