காத்தான்குடி பாலமுனை கடற்பரப்பில் சட்டவிரோதமாக மீன்பிடிக்க பயன்படுத்தப்பட்ட 5 சுருக்கு வலைகளை கடற்படையினர் மீட்டுள்ளனர்.
கடற்படை புலனாய்வுப் பிரிவுக்கு கிடைத்த தகவலின் அடிப்படையில் மேற்கொள்ளப்பட்ட தேடுதல் நடவடிக்கையின்போது, கடலில் வீசப்பட்டிருந்த உரிமை கோரப்படாத 5 சுருக்கு வலைகள் மீட்கப்பட்டுள்ளன. இவற்றின் மொத்த பெறுமதி சுமார் 50 இலட்சம் ரூபா என தெரிவிக்கப்பட்டுள்ளது.
மீட்கப்பட்ட வலைகள் மட்டக்களப்பு மாவட்ட கடற்றொழில் மற்றும் நீரியல் வள திணைக்களத்திடம் ஒப்படைக்கப்பட்டுள்ளன.
இதேவேளை, மட்டக்களப்பு மாவட்டத்தின் பல பகுதிகளில் சட்டவிரோத சுருக்கு வலைகளைப் பயன்படுத்தி மீன்பிடி நடவடிக்கைகள் இடம்பெறுவதாக மீனவர் சங்கங்கள் மற்றும் மீனவர்கள் தொடர்ச்சியாக முறைப்பாடுகளை முன்வைத்து வருகின்றனர்.
