ஜனாதிபதி நிதியத்தின் ஏற்பாட்டில் பல்கலைக்கழக மாணவர்களுக்கு இலவசமாக மூக்குக்கண்ணாடிகளை வழங்கும் திட்டத்தின் இரண்டாம் கட்டம் எதிர்வரும் ஒக்டோபர் 10ஆம் திகதி சனிக்கிழமை ருகுணு பல்கலைக்கழக வளாகத்தில் நடைபெறவுள்ளது.
முழுநாள் நடைபெறவுள்ள இந்நிகழ்வில் மாணவர்களுக்கு இலவச கண் பரிசோதனைகளும் முன்னெடுக்கப்படவுள்ளன.
Stroud Rotary Club மற்றும் Wish மன்றத்தின் பங்களிப்புடன் இத்திட்டம் நடைமுறைப்படுத்தப்படுகிறது.
இத்திட்டத்தின் முதற்கட்டம் அண்மையில் ரஜரட்ட பல்கலைக்கழகத்தில் நடைபெற்றிருந்த நிலையில், கண் பரிசோதனைக்கு உட்படுத்தப்பட்ட 316 மாணவர்களுக்கான மூக்குக்கண்ணாடிகள் எதிர்வரும் ஒக்டோபர் 17ஆம் திகதி ரஜரட்ட பல்கலைக்கழக வளாகத்தில் வழங்கப்படவுள்ளன.
