நுகர்வோர் அலுவல்கள் அதிகாரசபையினால் ஒக்டோபர் 20 முதல் 24ஆம் திகதி வரை நாடளாவிய ரீதியில் மேற்கொள்ளப்பட்ட விசேட சோதனைகளின்போது, விலைகளைக் காட்சிப்படுத்தத் தவறியமை உள்ளிட்ட நுகர்வோர் பாதுகாப்புச் சட்ட மீறல்கள் தொடர்பாக சுமார் 200 சுற்றிவளைப்புகள் பதிவாகியுள்ளன.
அரிசி, சீனி, பருப்பு, மரக்கறிகள், பழங்கள், கோதுமை மா, பேக்கரி உற்பத்திகள், ஆடைகள் மற்றும் மின்சார உபகரணங்களை விற்பனை செய்யும் வர்த்தக நிலையங்கள் இச்சோதனைகளுக்கு உட்படுத்தப்பட்டன.
பல மாவட்டங்களில் சட்ட மீறல்கள் கண்டறியப்பட்டதுடன், சம்பந்தப்பட்ட வர்த்தகர்களுக்கு எதிராக சட்ட நடவடிக்கைகளும் மேற்கொள்ளப்பட்டுள்ளன. சில வழக்குகள் நீதவான் நீதிமன்றங்களில் தாக்கல் செய்வதற்கான நடவடிக்கைகளும் முன்னெடுக்கப்பட்டுள்ளன.
பொருட்களின் விலைகளை நுகர்வோர் தெளிவாகக் காணக்கூடிய வகையில் காட்சிப்படுத்துவது வர்த்தகர்களின் சட்டபூர்வக் கடமையாகும். எனவே, விலைகளைக் காட்சிப்படுத்துதல் உள்ளிட்ட நுகர்வோர் பாதுகாப்புச் சட்டங்களை முறையாகப் பின்பற்றுமாறு அதிகாரசபை வர்த்தகர்களைக் கேட்டுக்கொண்டுள்ளது.
