தோட்டத் தொழிலாளர்களின் சம்பளப் பிரச்சினைக்குத் தீர்வு காணும் நோக்கில் புதிய சம்பளச் சபையொன்றை நியமிக்க அரசாங்கம் எதிர்பார்த்துள்ளதாக சட்டமா அதிபர் உயர் நீதிமன்றத்திற்கு அறிவித்துள்ளார்.
குறித்த சம்பளச் சபையின் ஊடாக சம்பந்தப்பட்ட அனைத்துத் தரப்பினருடனும் கலந்துரையாடி, தோட்டத் தொழிலாளர்களுக்கான உரிய நிவாரணங்களை வழங்க நடவடிக்கை எடுக்கப்படும் எனவும் தெரிவிக்கப்பட்டுள்ளது.
தோட்டத் தொழிலாளர்களின் சம்பளத்தை அதிகரிக்குமாறு அரசாங்கத்திற்கு உத்தரவிடக் கோரி தாக்கல் செய்யப்பட்ட மனு இன்று (16) உயர் நீதிமன்றத்தில் விசாரணைக்கு எடுத்துக்கொள்ளப்பட்டது.
இதன்போது அரசாங்கம் சார்பில் முன்னிலையான சட்டத்தரணி, சட்டமா அதிபர் சார்பில் இந்த அறிவிப்பை நீதிமன்றத்தில் முன்வைத்துள்ளார்.








