உலகின் மிகப்பெரிய திரைப்பட தயாரிப்பு நிறுவனமான வார்னர் பிரதர்ஸை வாங்கும் நெட் பிளிக்ஸின் முடிவு , மிகப்பெரிய சிக்கலை உண்டாக்கும் என்று அமெரிக்க ஜனாதிபதி ட்ரம்ப் எச்சரிக்கை விடுத்துள்ளார் .
உலகளவில் படங்களை தயாரிப்பதிலும் , விநியோகத்திலும் நூற்றாண்டுக்கு மேலாக கோலோச்சி வந்த வார்னர் பிரதர்ஸ் நிறுவனத்தை நெட்பிளிக்ஸ் ஓ.டி.டி நிறுவனம் வாங்கியுள்ளது
இதன்மூலம் , வார்னர் பிரதர்ஸ் நிறுவனத்தின் ஸ்டூடியோக்கள் , தயாரித்த திரைப்படங்கள் , வெப் சீரிஸ் , டி.சி காமிக்ஸ் படங்கள் மற்றும் ஹெச்.பி.ஓ. ஓடிடி தளம் ஆகியவற்றையும் நெட்பிளிக்ஸ் கையகப்படுத்தியுள்ளது.
அடுத்த பன்னிரண்டு முதல் பதினெட்டு மாதங்களுக்கு ஒப்பந்தத்தில் குறிப்பிடப்பட்ட தொகையை வார்னர் பிரதர்ஸ் நிறுவனத்திற்கு , நெட்பிளிக்ஸ் வழங்க உள்ளது.
இந்த நிலையில் , வார்னர் பிரதர்ஸ் நிறுவனத்தை வாங்கும் நெட் பிளிக்ஸ் நிறுவனத்திற்கு அமெரிக்க ஜனாதிபதி ட்ரம்ப் எச்சரிக்கை விடுத்துள்ளார்.
இது தொடர்பில் ட்ரம்ப் கூறியதாவது ; நெட் பிளிக்ஸ் நிறுவனம் ஏற்கனவே மிகப்பெரிய சந்தை மதிப்பைக் கொண்டுள்ளது . தற்போது , வார்னர் பிரதர்ஸ் நிறுவனத்தை வாங்கும் முயற்சி மிகப்பெரிய சிக்கலை ஏற்படுத்தக் கூடும் , எனக் குறிப்பிட்டுள்ளார் .
அண்மையில் வெள்ளை மாளிகைக்கு சென்ற நெட் பிளிக்ஸ் நிறுவனத்தின் இணை தலைமை நிர்வாக அதிகாரி டெட் சராண்டோஸைப் பாராட்டிய ட்ரம்ப் , ‘ திரைப்பட வரலாற்றில் மிகச் சிறந்த பணிகளில் ஒன்றைச் செய்துள்ளார் , ‘ என்று கூறியிருந்மையும் குறிப்பிடத்தக்கது.
