இரண்டாம் உலகப் போரின்போது நிர்மாணிக்கப்பட்ட திருகோணமலை எரிபொருள் தாங்கி வளாகத்தை நவீனமயமாக்குவதற்காக பொற்றோலியம் கூட்டுத்தாபணம் 32 மில்லியனை ஒதுக்கியுள்ளதாக தெரிவிக்கப்படுள்ளது. இவை தற்போது லங்கா ஐஓசி-யின் நிர்வாகத்தின் கீழ் பகுதியளவில் செயல்பாட்டில் உள்ளன.
நாட்டின் எரிசக்தி பாதுகாப்பை வலுப்படுத்தும் நீண்டகால கோட்பாட்டின் ஒரு பகுதியாக, திருகோணமலையில் எண்ணெய் நீர்த்தேக்கங்களை விரிவாக மேம்படுத்த அரசாங்கம் முடிவு செய்துள்ளது. சிலோன் பெட்ரோலியம் கூட்டுத்தாபனம் ஏற்கனவே பல குதங்களை புதுப்பித்துள்ளது.
திருகோணமலையை ஒரு மூலோபாய எரிசக்தி மையமாக மாற்றுவதற்காக இலங்கை, இந்தியா மற்றும் ஐக்கிய அரபு இராஜியம் ஆகியவற்றுக்கு இடையே கையெழுத்திடப்பட்ட ஒரு முக்கிய முத்தரப்பு ஒப்பந்தத்திற்கு இணங்க இந்த புதுப்பித்த செயற்பாடு அமைந்துள்ளது.
இந்த புரிந்துணர்வு ஒப்பந்தம், இலங்கைக்கு மலிவு விலையில் எரிசக்தி கிடைப்பதை உறுதி செய்வதையும், எதிர்கால எரிசக்தி திட்டங்கள் மூலம் ஏற்றுமதி வருவாயை உருவாக்குவதையும் நோக்கமாகக் கொண்ட எரிசக்தி உள்கட்டமைப்பை மேம்படுத்துவதை நோக்கமாகக் கொண்டுள்ளது.
தென்னிந்தியாவிலிருந்து இலங்கைக்கு எரிபொருளை கொண்டு செல்வதற்கான குழாய்வழி ஒன்றை அமைக்கும் திட்டங்களும் இதில் அடங்கும். இது பிராந்திய எரிசக்தி இணைப்பை மேம்படுத்துவதோடு, விநியோகச் செலவுகளையும் கணிசமாகக் குறைக்கும் என எதிர்பார்க்கப்படுகின்றது என அமைச்சரவைப் பேச்சாளர் அமைச்சர் டாக்டர் நலிந்த ஜயதிஸ்ச தெரிவித்துள்ளார்.
