பெரிய வெங்காயத் தேவையில் 90% இறக்குமதியை சார்ந்துள்ளது இலங்கை; அமைச்சர் வசந்த சமரசிங்க!

இலங்கையின் மொத்த பெரிய வெங்காயத் தேவையில் சுமார் 10 வீதம் மட்டுமே உள்நாட்டு உற்பத்தியின் மூலம் பூர்த்தி செய்யப்படுவதாகவும், மீதமுள்ள 90 வீதம் இறக்குமதியை சார்ந்துள்ளதாகவும் வர்த்தக, வாணிப, உணவுப் பாதுகாப்பு மற்றும் கூட்டுறவு அபிவிருத்தி அமைச்சர் வசந்த சமரசிங்க தெரிவித்துள்ளார்.

பாராளுமன்ற உறுப்பினர் தினேஷ் சமந்த எழுப்பிய கேள்விக்குப் பதிலளிக்கையிலேயே அமைச்சர் இந்தத் தகவல்களை வெளியிட்டார்.

இலங்கையின் வருடாந்த பெரிய வெங்காயத் தேவை சுமார் 275,000 மெட்ரிக் தொன்னாக இருப்பதாகவும், 2025 ஆம் ஆண்டில் உள்நாட்டில் 31,389 மெட்ரிக் தொன் மட்டுமே உற்பத்தி செய்யப்பட்டுள்ளதாகவும் அவர் குறிப்பிட்டார்.

இதன் காரணமாக நாட்டின் தேவையை பூர்த்தி செய்வதற்காக பெருமளவில் பெரிய வெங்காயம் வெளிநாடுகளில் இருந்து இறக்குமதி செய்யப்படுவதாக அமைச்சர் தெரிவித்தார்.

மேலும், உள்நாட்டு விவசாயிகளைப் பாதுகாக்கும் நோக்கில், உள்ளூர் அறுவடை நடைபெறும் ஆகஸ்ட் மற்றும் செப்டம்பர் மாதங்களில் இறக்குமதி செய்யப்படும் பெரிய வெங்காயத்திற்கு விசேட பொருட்கள் வரி விதிக்கப்படுவதாகவும், தற்போது ஒரு கிலோகிராம் பெரிய வெங்காயத்திற்கு 50 ரூபாய் வரி அறவிடப்படுவதாகவும் அவர் கூறினார்.

குறைந்த விலையில் பெரிய வெங்காயத்தை இறக்குமதி செய்வதன் மூலம் நுகர்வோருக்கு நிவாரணம் வழங்க முடியும் என்றாலும், அது உள்நாட்டு உற்பத்தியாளர்களை பாதிக்கும் என்பதால் அவர்களின் நலனைக் கருத்தில் கொண்டு இந்த வரி தொடர்ந்தும் நடைமுறையில் இருப்பதாகவும் அமைச்சர் விளக்கமளித்தார்.

அதேவேளை, 2026 ஆம் ஆண்டில் உள்நாட்டு பெரிய வெங்காய உற்பத்தி 36,000 முதல் 40,000 மெட்ரிக் தொன் வரை அதிகரிக்கும் என எதிர்பார்க்கப்படுவதாகவும் அவர் தெரிவித்தார்.

வருடாந்த பெரிய வெங்காய இறக்குமதி: