சம்மாந்துறை சபூர் வித்தியாலயத்தில் இன்று (1) நடைபெற்ற சிறுவர் தின நிகழ்வில் அல் மனார் சமூக சேவை அமைப்பின் தலைவர் கே.ஆர்.எம். றிசாட் அதிதியாகக் கலந்து கொண்டதுடன், பாடசாலையின் தேவையை கருத்திற்கொண்டு நீர் தாங்கியொன்றும் வழங்கி வைக்கப்பட்டது.
சிறுவர் தினத்தை முன்னிட்டு பாடசாலையில் ஏற்பாடு செய்யப்பட்ட நிகழ்வில் கலந்துகொண்ட அல் மனார் சமூக சேவை அமைப்பின் தலைவர் கே.ஆர்.எம். றிசாட், மாணவர்களுடன் கலந்துரையாடியதுடன், அவர்களின் கல்வி மற்றும் பாடசாலையின் தேவைகள் தொடர்பிலும் கேட்டறிந்துகொண்டார்.
இதன்போது, பாடசாலைக்கு நீர் தாங்கியொன்று அவசியமாகத் தேவைப்படுவதாக பாடசாலை அதிபரினால் முன்வைக்கப்பட்ட கோரிக்கைக்கு அமைய, அல் மனார் சமூக சேவை அமைப்பினால் நீர் தாங்கியொன்று பாடசாலைக்கு வழங்கி வைக்கப்பட்டது.
அத்துடன், பாடசாலையில் காணப்படும் ஏனைய குறைபாடுகள் மற்றும் தேவைகள் தொடர்பிலும் கேட்டறிந்துகொண்ட கே.ஆர்.எம். றிசாட், எதிர்காலத்தில் இயன்றளவு மேலும் பல்வேறு உதவிகளை வழங்குவதற்கான நடவடிக்கைகள் மேற்கொள்ளப்படும் எனத் தெரிவித்தார்.
சிறுவர் தினத்தை முன்னிட்டு மாணவர்களுக்கு பரிசுப் பொருட்களும் இதன்போது வழங்கி வைக்கப்பட்டன.
பாடசாலை நிர்வாகம், ஆசிரியர்கள் மற்றும் மாணவர்கள் உள்ளிட்டோர் நிகழ்வில் கலந்துகொண்டனர்.
